Стандартчилал Хэмжилзүйн Үндэсний Зөвлөлийн хурлаар “Эмийн үйлдвэрт тавигдах ерөнхий шаардлага” 5524:2005 улсын стандартад нэмэлт өөрчлөлт оруулжээ. Дотоодын эмийн үйлдвэрүүд нь манай улсын жилийн нийт хэрэглэгдэж буй эмийн 20 гаруй хувийг үйлдвэрлэж байгаа бөгөөд эмийн бүтээгдэхүүний чанарыг сайжруулах, эмийн үйлдвэрт тавигдах шаардлагыг боловсруулах зайлшгүй шаардлагын улмаас ЭМЯ 2005 онд “Эмийн үйлдвэрт тавигдах шаардлага” 5524:2005 стандартыг боловсруулан батлуулж, мөрдүүлж байжээ. Энэ хугацаанд стандартад зарим өөрчлөлтийг оруулах шаардлага гарсны улмаас Эрүүл мэндийн сайдын 2010 оны 301 тоот тушаалаар ЭМЯ, МХЕГ, ЗГХА-ЭМГ, ЭМШУИС-ын Эмзүйн сургууль, Эмзүйн байгууллагуудын нэгдсэн “Эм” холбоо, МХАҮТ зэрэг байгууллагын төлөөллүүд холбогдох байгууллагуудаас саналыг бичгээр авч стандартад хэд хэдэн зарчмын өөрчлөлт оруулжээ. Тухайлбал Нэр томъёоны хэсэгт “Эм, эмнэлгийн хэрэгслийн тухай хууль”-ийн нэр томъёотойуялдуулах болон зарим найруулгыг өөрчлөх, уламжлалт эмийн үйлдвэрийн стандартыг шинээр боловсруулж байгаатай холбогдуулан стандартаас “уламжлалт эмийн үйлдвэрлэл” нэмэлт заалт болон холбогдолтой нэр томъёог хасах, эцсийн бүтээгдэхүүний хаяглалт анхдагч, хоёрдогч савлалттай байх гэх мэт өөрчлөлт оруулжээ.
бичлэг
